'好'死

樓下茶餐廳老闆娘今早同年近八十的婆婆打牙骹,這是記憶版,大意應準確,用語稍過火或不夠喉.

老闆娘:(向着一個年輕阿太說)又食雞蛋,唔怕膽固醇呀?
婆婆:驚咩,生死天安排地安排,後生會死,老又會死.
老闆娘:咁又係,我都差不多啦!
婆婆:你仲後生,我就差不多,最好似阿伯(婆婆老公),真係好死,唔係又插喉,又餵野食,好煩,幾生修到.
老闆娘:聽講話仔女孝順,老人家會好死,最緊要仔女孝順.
茶客一:(答咀)老闆娘,飲埋新抱茶先講.「老闆娘個仔大約得十五,十六歲」
茶客二:(嘻皮笑臉答咀)老闆,咁迷包二奶囉!
婆婆:係呀,我知有個伯包二奶,仔女大晒,又有孫,退休後,攞住幾十萬,返大陸包,個女人都有仔女,唔係你七十幾歲,十八廿二點會吼你.佢後嚟有病,個二奶帶佢到關口,打電話俾佢屋企人,接番上水醫院醫,好番後無錢,就攞公援,而家都仲番大陸,唉,一樣米養百樣人!