去除豬性 諸(豬)事順遂

又忍不住要講樓下食店的老闆仔.佢阿媽即老闆娘,拿着電話說:阿仔,快啲落嚟,而家十點幾,十一點,醒吓啦,阿哥哥落咗嚟,佢個BB女都瞓醒,快啲嚟,唔好再瞓.

老闆娘這些說話,都不知聽過幾多次.老闆仔大約十六歲,沒有讀書,沒有工作,不知是否睡得多,愈來愈肥;老闆娘,遭逢不幸,因病截了一小腿,在店裡工作時,顛顛簸簸;老闆,頭髮愈見花白,臉色憔悴,外貌與年齡不相稱.難得兩夫妻都對客笑口騎騎,對住個肥仔苦口婆心.望新一年老闆仔去除豬性,發奮做人,等老豆老母唔好做得咁辛苦.

講開肥仔,舊同事剛相反,已轉行的他,十分勤力,只做八粒鐘,唔使預佢;他並要應酬我呢啲有時好有原則既人,被我'省'到心翳.他諗住唔結婚,並謂四十歲鬆啲死咗就最好,但而家諗法轉變,婚都係唔會結,但就唔想咁快死,所為何事?咪事母至孝,阿媽係到,都要諗諗她的處境.若老闆仔能像舊同事肥仔,體會親心,就唔使我成日食早餐時,聽到呢的喑喑噚噚的對白.

新一年望各位,'諸(豬)事順遂',去除豬性,豬腩肉!