石沉大海好啲！

郁民話要掃走呢舊石，佢應該好有chance，佢係條管道人氣高企，打擊率（每看一次都當係打擊阿無）超爆，證明啲青蔥好十扑佢，我都想佢得，事實佢真係好猛（講料呀），講啲嘢地下都有回聲。以前教書時，好記得佢成日鬧我地：「番去睇多啲報紙，唔睇，做咩XX呀？！」我個時讀夜校，日頭番工，好多同學係咁，但佢一啲都唔睇呢面，對住啲勁差表現又交唔到貨嘅學生，一句得埋嚟：「一係讀書，一係做嘢，唔好同我講交唔到功課，讀唔到書，咪唔好讀囉！」

佢個時瘦個條柴，口擔煙，半個pat pat坐係枱，腳印吓印吓，成個流氓格，但舌燦蓮花，又馬英九、李登輝、李光耀、國民黨、共產黨．．．鬧共產黨至勁，捧馬英九捧到天上有地下無。而家佢上電視鬧人個樣，已經無以前咁ｘ寸，肥咗嘛，順眼啲。

電視辯論呢家嘢開正佢個瓣，事關Ｎ年前佢己經話美國ＸＸＸ靠電視辯論贏咗總統大選，佢深明此道，咪經典重現囉！

至於呢舊石，唉，都唔知點講好，佢話自己做咗好多嘢，仲搵人出嚟唱，我細細個已睇報紙，都知道佢啲嘢；「基ｘｘ工業ｘｘ會」，以前（好久個隻）成日見報，但近年（都十年八載啦）都無咩踪影，又唔見佢係垃圾會肺up，剩係記得佢侍母至孝，亦識得個仙仙，莫非要我地做神人（神經特別敏銳個啲），先知佢肺苦。佢近年唯一打動我嘅，係先幾年一篇雜誌文章，詳細內容唔記得，但佢攞某些食物嚟記憶各種感情及舊時文化，寫嚟情文並茂，都幾動人。

無囉，呢舊石，即使俾你入番去咁又點，不可能一石激起千重浪，還是石沉大海好啲！