香港無咗咩嘢

昨深夜失眠，無定向想到香港無咗咩嘢。

●無咗雞：係活雞，唔係北姑雞，無活雞，商會都要執笠，因為毋需要再為個object講權益。
●無咗港女：遲早有日，不是誇張。周街通處都係北地胭脂和南蠻女，想搵個港產的，要考證一番。有港男說，配唔起港女，咁港女嫁唔出，無後代，仲唔絕種！
●無港產片：「投訴狀」、「見虫出閘」、「盞迫」，一啲港味都無，中華民族的偉大靈魂何其沉重，有幾多本土電影人頂得順，我地亦未必有熱情，那我地啲熱情去咗邊，答唔出。
●無晒魚旦檔：以前樓下有個伯伯推車仔賣魚旦，後來消失了，唔知係發咗達，定被人拉得多怕怕，我應該早些去賣魚旦，咁而家就印印腳，食魚翅。

應該仲有好多嘢無咗，但一時間諗唔起，無既另一面係有。

○有虛擬上帝「電腦」：佢有好多衍生工具，如網民、電車男、MSN、BLOG、FACEBOOK......既是宗教，兼具神聖與排斥。
○免提電話：好多電話，整個車廂都係佢地天下，有時被它搞到怒火中燒，因為它不務正業，原本係短時間地通告最大量訊息，現在剛好相反，甚至不是通訊，而是被人玩，唉，最終玩着的是我。
○居港權、自由行、CEPA：它們是香港生存的奶水，斷奶死硬，但希望裡面無三聚氰胺。