抄牌

個多月未踩過單車,今日有少少空餘時間,於是循舊路,諗住踩去天水圍,怎知出師未捷,單車徑還未駛入,就被交通差抄牌.這是我人生第一次被人抄牌,話我係行人路上踩單車,要寄傳票給我,等住上法庭.據知一經定罪,可罰款五百大元及入獄三個月.行人路踩單車都要入獄,若係,都幾好,做多單新聞(先排有一單衰十一都係入獄二十個月咋).

其實,我無諗住交通差真係會抄我牌,他在斑馬線對面,拿着薄,頂多係告誡吓我,所以我無掉頭走,大無斯樣過馬路,等他訓斥,怎料一開波,就話行人路踩單車犯法,叫我攞張身份證出嚟,我無求情,因為我真係犯咗法,但說若不踩行人路,踩邊度?佢話可踩馬路.吓,踩馬路,好容易被車車死.他仍然說一係踩馬路,一係在行人路推車.我跟住話你應先作警告,不要一嚟就抄牌,他仍然重申佢既立場.我有啲'慶',話你要交數,算,當我唔好彩!

個差佬都算斯文,但我唔鐘意差佬的感覺只會有增無減,但人生弔詭係,在我尊敬既人當中,有些係警察(唔叫差佬,因為他們不喜歡).