益力多婆婆

今日中秋節,係屋企樓下茶餐廳食完飯,嘆完報紙,行過屋苑內的木長櫈,突然想起「益力多婆婆」,她以往就坐係度,飲完一枝又一枝既益力多.但她兩個多星期前在家裡,突然拿刀斬傷據稱是阿仔的大陸女友後腦,傷人後當然被捕,跟住送院檢查,到現在都唔見她回來.

對她咁留意,除了是狂飲益力多,就係她看來有點不正常,常自言自語,加上手震震、衰老不堪的樣子,看來很可憐.有一次,我在茶餐廳食緊飯,她走進來,二話不說,就將老闆斟好的茶水倒來倒去,老悶喝止,她仍在「搗蛋」,跟住震騰騰地走開.

我想,她的手咁震,點解咁準,咁好力,斬到大陸妹一頸血?中秋節,她在那裡賞月?